Aktual mövzular: Dollar alış-satışı, Neftin qiyməti, COP29, Hava proqnozu

Kiyevdə hündürmərtəbəli bina dağılıb: ölən və yaralılar var - VİDEO - FOTO

Tarix: 17 Mart 2022 10:44

Kiyevdə vurulan Rusiya raketinin qalıqları hündürmərtəbəli binada dağıntılara və yanğına səbəb olub.

Sonxeber.net bildirir ki, bu barədə Ukraynanın Fövqəladə Hallar üzrə Dövlət Xidməti məlumat yayıb.

"Martın 17-də səhər saat 05:02-də "101" Xilasetmə Xidmətinə paytaxtın Darnitski rayonunda yaşayış binasında yanğının baş verməsi və dağılması barədə məlumat daxil olub. Dərhal hadisə yerinə yaxınlıqdakı yanğınsöndürənlər və xilasedicilər gəlib. Hadisə yerinə gələn xilasedicilər müəyyən ediblər ki, vurulan raketin qalıqlarının yerə düşməsi nəticəsində 16-cı və texniki mərtəbədəki evin konstruksiyaları dağılıb, 16-cı mərtəbədəki mənzildə yanğın baş verib.

Xilasedicilər yanğını söndürməyə müvəffəq olublar. 11-ci və daha yuxarı mərtəbələrdən mənzillərin sakinləri təxliyə edilir, tikililərin sökülməsi və insanların axtarışı üçün xilasetmə işləri aparılır.

"İlkin məlumata görə, 30 nəfər yerindəcə təxliyə olunub, onlardan 3-ü xəsarət alıb. 1 nəfər ölüb. Məlumat dəqiqləşdirilir", - xilasedicilər bildiriblər.

Aslan Məmmədov