Aktual mövzular: Dollar alış-satışı, Məzənnə, Neftin qiyməti

Koronadan sonrakı yorğunluq və halsızlığın səbəbi tapıldı

Tarix: 19 Mart 2022 20:27

Alimlər çox xəstələrdə koviddən sonrakı yorğunluğun səbəbini sinir və vegetativ sinir sisteminin işində pozulmaların baş verməsi ilə izah edib.

Milli.Az bakupost.az-a istinadən xəbər verir ki, postkovid dövrdə xroniki yorğunluğun səbəbi periferik sinir sisteminin işində baş verən bu və ya digər dəyişikliklərdir.

Anna Beykerin rəhbərliyi ilə Nyukaslsk universitetinin alimləri 37 britaniyalı üzərində müşahidələrin nəticəsində belə qərara gəliblər ki, kovidə yoluxub sağalan, lakin uzun müddət tam sağlam olmayan insanların beyninin bəzi hissələrində aktivlik azalıb.

Müşahidələr göstərib ki, xəstələrdə müşahidə olunan yorğunluq, gücsüzlük əzələ, ürək və ağciyərlərlə bağlı deyil. Xəstələr tam sağalmaq üçün bu orqanların müayinələrini aparır, həkimlərə gedir.

Əslində isə beyin kökünün bəzi sahələrində aktivlik azalması və periferik sinir sistemində ötürücülüyün həddən artıq artması baş verib.
Qanda oksigenin kəskin düşməsi nəticəsində ən böyük sinir yolu Azan sinir zədələnir, tonusu pozulur.

Ona görə də bu xəstələri nevroloji olaraq müalicə etmək, beyində gedən prosesləri qaydaya salmaq lazımdır.

Milli.Az

Whatsapp ilə göndər