Aktual mövzular: Dollar alış-satışı, Neftin qiyməti, COP29, Hava proqnozu

Rusiya və Azərbaycan bir sıra tədbirlər hazırlayırlar

Rusiya və Azərbaycan bir sıra tədbirlər hazırlayırlar

Tarix: 24 Mart 2022 20:12

Rusiya və Azərbaycan iki ölkə arasında diplomatik münasibətlərin qurulmasının 30 illiyinə həsr olunmuş bir sıra əlamətdar tədbirlər hazırlayır.

Bunu brifinq zamanı Rusiya Xarici İşlər Nazirliyinin rəsmi nmayəndəsi Mariya Zaxarova deyib.

"Bura rəsmi təbrik mesajlarının mübadiləsi və müxtəlif səviyyələrdə görüşlər daxildir. Mədəni-humanitar əməkdaşlığın inkişafına xüsusi diqqət yetirilir, Rusiyada Azərbaycan Günləri çərçivəsində sərgi və konsertlərə başlanılıb. Ölkəmizin Mədəniyyət Nazirliyi Azərbaycanda da bir sıra tədbirlər hazırlayır.

Diplomatik münasibətlərin qurulmasının 30-cu ildönümünün qeyd olunması fevralın 22-də Moskvada Rusiya və Azərbaycan Prezidentləri tərəfindən Azərbaycan Respublikası ilə Rusiya Federasiyası arasında müttəfiqlik qarşılıqlı fəaliyyəti haqqında Bəyannamənin imzalanması fonunda baş tutması əlamətdardır. Bu sənəd bütün sahələrdə, o cümlədən ticarət-iqtisadi, hərbi-siyasi, mədəni-humanitar sahələrdə ikitərəfli əməkdaşlığın daha da möhkəmləndirilməsi üçün yeni imkanlar açır", - deyə M.Zaxarova bildirib.


Etiketlər:  Rusiya Azərbaycan sıra tədbirlər hazırlayırlar


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ