Aktual mövzular: Dollar alış-satışı, Məzənnə, Neftin qiyməti

Salah bunu bacaran dördüncü futbolçu oldu

Tarix: 23 May 2022 23:16

"Liverpul" İngiltərə çempionu ola bilməsə də, hücumçusu Məhəmməd Salah unikal göstəriciyə nail olub. Milli.Az matc.az-a istinadən bildirir ki, misirli futbolçu həm Premyer Liqanın ən yaxşı bombardiri olub, həm də ən çox qol ötürməsi edib.

Salah 23 qol vuraraq "Tottenhem"in futbolçusu Son Hın Minlə birgə ən yaxşı bombardir olub. O, 13 qol ötürməsi edərək, bu göstəricidə də hamını qabaqlayıb. Beləliklə, Salah Premyer Liqada eyni mövsümdə həm bombardir olan, həm də ən çox qol ötürməsi edən 4-cü futbolçu olub.

Buna qədər Endi Koul (1993/1994), Cimmi Floyd (1998/1999) və Harri Keyn (2020/2021) belə nəticə qazanmışdı.

29 yaşlı Salah "Liverpul"un heyətində 180 oyunda 118 qol vurub və 50 məhsuldar ötürmə edib.

Milli.Az

Whatsapp ilə göndər