Almaniyanın Ukraynaya kömək etməkdən qorxmağa əsası var - "Bild"

Tarix: 3 Iyun 2022 19:02

Rusiyanın müstəqil Ukrayna ərazisinə genişmiqyaslı hərbi müdaxiləsinin dördüncü ayında Almaniya üçüncü dünya müharibəsinin başlamasına səbəb olmamaq üçün Ukraynaya kömək etmək üçün əlindən gələni etmir.

Milli.Az UNİAN-a istinadən bildirir ki, "Bild" xəbər verir ki, bu fikri Almaniyanın iqtisadiyyat naziri Robert Habek deyib.

Nazirin sözlərinə görə, Almaniyanın Ukraynaya maksimum yardımı onun Rusiya Federasiyasına qarşı bu müharibəyə girməsi demək olardı və üçüncü dünya müharibəsinə qədər genişlənmə təhlükəsi yaradar.

"Biz mümkün olan hər şeyi etmirik... Müharibənin iştirakçısı olmaq istəmirik və olmamalıyıq da. Təkcə döyüş meydanında öləcək əsgərlərimizin həyatından qorxduğumuz üçün deyil, həm də ona görə ki, bu yolla biz qlobal müharibəyə yol aça bilərik. Ona görə də biz əlimizdən gələni etmirik, amma Ukraynaya kömək etmək üçün indi məsuliyyətlə edə biləcəyimiz hər şeyi edirik", - Habek izah edib.

Habek qeyd edib ki, Berlin "Ukraynanı hərbi məqsədləri üçün dəstəkləyir" və əmin edib ki, "Ukrayna onun üçün müharibənin nə ilə uğurlu sonlanacağını özü müəyyən edəcək".

"Müharibəni uğurla başa vurmaq uduzmamaq deməkdir. Qələbə açıq anlayışdır. Bütün bunların nə demək olduğunu təxmin etmək istəmirəm, amma bu müharibəni uğurla bitirməyin bir çox yolu var... Nə vaxtsa, diplomatik bir görüş olacaq. Təbii ki, bu fürsət o zaman yarana bilər ki, Putin artıq hərbi cəhətdən qalib gələ bilməyəcək", - Habek vurğulayıb.

Aslan Məmmədov
Milli.Az