Günay musiqi ziyafəti verdi: ''Konsertimə qiymətlər fantastik yox, əlçatandır - VİDEO - FOTO

Tarix: 9 Iyul 2022 14:00

Populyar estrada ulduzu Günay İbrahimli "Şazeli Bahçe"də canlı konsert proqramı ilə çıxış edib.

Sonxeber.net bizim media-ya istinadən xəbər verir ki, fanatlarına musiqi ziyafəti verən sənətçi gecədə onlara hitini səsləndirib.

Günay İbrahimli bildirib ki, avqustun sonuna kimi müxtəlif məkanlarda yay konsertlərini davam etdirəcək:

"Burada konsert vermək aparıcı Zümrüd Bədəlovanın təklifidir. Biz artıq yay konsertlərinə start vermişdik. Bu, o konsertlərdən biridir. Burada atmosfer bambaşqadır. Digər məkanlarda da çıxışlarım olacaq. Avqustun sonuna kimi açıq havada fərqli məkanlarda sil-silə konsertlərim olacaq".

Xarici görkəminə, xüsusi ilə səhnə geyimlərinə diqqətlə yanaşan müğənni bu günə də özəl hazırlaşdığını dilə gətirib:

"Konsertə çox tez hazırlaşmışam. Saçlarımı yarım saata dörd usta hazırlayıb, vizajım isə 1 saat yarıma edilib. Bu gün geyindiyim libas "İbrahimli boutigue" aiddir. "Dior"un ən son 2022-ci ilin kolleksiyasından birə-bir oxşarını ərsəyə gətirmişik. Hələ qiymət qoymamışıq. Amma bu libası satışa çıxardacayıq. Kim istəsə daha sonra gəlib əldə edə bilər. Hər zaman "oversize" kostyumlarda oluram. Modern tərzli geyimləri çox sevirəm. Bu dəfə seçimimi bu libas üzərində etdim. Tamaşaçılarım mənə baxanda əhvalları yüksələcək. Çünki müğənninin mahnıları qədər səhnə geyimi də çox önəmlidir".

Günay İbrahimli deyib ki, konsertlərlərini izləmək üçün qiymətlər münasibdir:

"Ailəmin başqa işləri olduğundan bu gün konsertimdə olmayacaqlar. Amma Alidə Mustafayeva, Şəhriyar Əbilov və digər dostlarım iştirak etmək üçün Zümrüdə müraciət etdilər. Gəliblər məni dinləməyə. Konsertlərimə qiymətlər fantastik deyil, əlçatandır, münasibdir. Bu səbəbdəndə hamı gələ bilər".