Qadın dollar əskinasını yerdən götürüb və danışma qabiliyyətini itirib

Tarix: 14 Iyul 2022 18:16

ABŞ-da bir qadın yerdən dollar əskinasını götürərək müvəqqəti olaraq danışma qabiliyyətini itirib və xəstəxanaya yerləşdirilib.

Milli.Az bildirir ki, bu barədə "New York Post" məlumat yayıb.

Hadisə Rene Parsons və əri Castinin Dallasda (Texas) konfransa səfəri zamanı baş verib. Yolda cütlük McDonald's-da dayanıb və qadın yerdə pul görüb. Amerikalının sözlərinə görə, o, tərəddüd etmədən pulu götürüb.

Bir neçə dəqiqə ərzində Parsons keyidi, çətinliklə hərəkət edə və ya nəfəs ala bildi. "Mən çiyinlərdə başlayan yanma hissini hiss etdim, sonra keyimə aşağıya doğru getməyə başladı. Nəticədə bütün bədənim keyidi", - o deyib. Castin baş verənləri belə xatırlayır: "Əvvəlcə heç nə demədi, sonra çox peşman olduğunu dedi, sevgisini etiraf etdi və susdu". Kişi əlavə edib ki, arvadının rəngi ağardı və o sanki ölürdü.

Parsons huşunu itirməzdən əvvəl pulu götürən əli ilə ərinə toxundu. Bu toxunuşdan sonra Castinin dodaqları keyidi, qolunda səpki əmələ gəldi. O, sevgilisinin həyatından və vəziyyətindən qorxaraq xəstəxanaya gedib. Orada zərərçəkənə lazımi yardım göstərilib və dörd saatdan sonra simptomlar səngiməyə başlayıb.

Castin əmindir ki, pula zəhərli maddələr vurulmuşdu. Lakin xəstənin testlərində hansısa zəhərli maddə aşkar edilməyib. Polis əskinası analiz edib və zəhərləyici maddə izi aşkar etməyib. Bununla belə, Parsons əmindir ki, onun bədəninin reaksiyasına pulda olan dərmanların təsiri səbəb olub. O, diqqətli olmağa və başqalarının pulunu götürməməyə çağırıb.

İrfan Vəliyev
Milli.Az