Aktual mövzular: Dollar alış-satışı, Neftin qiyməti, COP29, Hava proqnozu

Mənzilini satan fiziki şəxsin vergi öhdəliyi varmı?

Tarix: 15 Iyul 2022 22:32

Yaşayış yeri üzrə qeydiyyatda olan fiziki şəxsin mənzilini satdıqda vergi öhdəliyi yaranırmı?

Sonxeber.net Dövlət Vergi Xidmətinə istinadla xəbər verir ki, fiziki şəxslər tərəfindən azı 3 təqvim ili ərzində yaşayış yeri üzrə qeydiyyatda olduğu yaşayış sahələrinin təqdim edilməsi sadələşdirilmiş vergidən azaddır.

Eyni zamanda, yaşayış yeri üzrə qeydiyyatdaolma müddətindən asılı olmayaraq fiziki şəxslərin xüsusi mülkiyyətində olan yaşayış sahələrinin təqdim edilməsi zamanı həmin yaşayış sahələrinin 30 kvadratmetrədək olan hissəsi sadələşdirilmiş vergidən azaddır.

Qeyd olunanlara əsasən, fiziki şəxsin yaşayış yeri üzrə 3 təqvim ilindən az müddətdə qeydiyyatda olduğu yaşayış sahəsinin (mənzilinin) təqdim edilməsi zamanı yaşayış sahəsinin 30 kvadratmetr olan hissəsi çıxılmaqla qalan hissəsindən notarius tərəfindən Vergi Məcəlləsi ilə müəyyən edilmiş ümumi qaydada ödəmə mənbəyində sadələşdirilmiş vergi hesablanır və hesablanmış vergi məbləği yaşayış sahəsini təqdim edən şəxsdən tutularaq dövlət büdcəsinə ödənilir.

Whatsapp ilə göndər