Bu il ali məktəblərə qəbul ola bilməyənlərə SEVİNDİRİCİ XƏBƏR - VİDEO

Tarix: 2 Sentyabr 2022 13:32

Ötən gün ali təhsil müəssisələrinə qəbul imtahanlarının nəticələri açıqlanıb. Ali təhsil müəssisələrinin müsabiqəsində 66 min 724 nəfər iştirak edib. Onlardan 48 min 841 nəfəri ali təhsil müəssisələrinə qəbul olunub.

Universtitetlərə qəbul üçün təxminən 2400-dən çox plan yeri boş qalıb. Bunu açıqlamasında Dövlət İmtahan Mərkəzinin Direktorlar Şurasının sədri Məleykə Abbaszadə deyib. O bildirib ki, 200-dən yüksək nəticə göstərən və uğur qazanmayan abituriyentlər boş qalan yerlərə qəbul üçün seçim etsələr, uğur qazana biləcəklər.

DİM sədri deyib ki, bu il təxminən 5000-ə yaxın subbakalavrın ali məktəbə qəbul olduğunu, lakin bu göstəricinin əvvəlki illə müqayisədə aşağı olduğunu deyib. Üstəlik, bu il də 500-dən yüksək bal toplayıb ali məktəbə qəbul olmayan abituriyentlər olub. 

Məleykə Abbaszadə qeyd edib ki, bu il Bakı Dövlət Universitetində Biotexnologiya ixtisası açılıb və həmin yer üçün axın yüksək olub. Həmin ixtisasın keçid balı Tibb Universiteti ilə eyni səviyyədə olub.

"Bu, o deməkdir ki, gənclərimiz müasir ixtisaslar barədə məlumatlıdırlar və düzgün addım atırlar" deyə o vurğulayıb.

Bu il qeydə alınan ən maraqlı faktlardan biri də, Bakı Dövlət Universitetinin riyaziyyat müəllimi ixtisası üzrə keçid balının hüquqşünaslığın balından yüksək olmasıdır.

Ətraflı Xəzər TV-də: