Aktual mövzular: Dollar alış-satışı, Məzənnə, Neftin qiyməti

UEFA “Qarabağ”ın müraciətinə rədd cavabı verdi

Tarix: 14 Sentyabr 2022 19:26

Avropa Liqasının qrup mərhələsinin II turunun "Qarabağ" - "Nant" oyunu bir dəqiqəlik sükutla başlamayacaq.

Bu barədə məlumatı Ağdam klubunun mətbuat xidmətinin rəhbəri Gündüz Abbaszadə verib.

O bildirib ki, Azərbaycan - Ermənistan sərhədində dünyasını dəyişən şəhidlərin xatirəsini bir dəqiqəlik sükutla yad olunması üçün UEFA-ya göndərilən müraciətə cavab gəlib. Qitə futbol qurumu avrokubok görüşündə belə addım atılmasına icazə verməyib: "Bizə UEFA-dan cavab gəldi ki, narahatlığınızı başa düşür, anlayışla qarşılayırıq. Lakin bu məsələ futbolla bağlı olmadığı üçün icazə verə bilmərik".

Qeyd edək ki, "Qarabağ" - "Nant" matçı sabah Tofiq Bəhramov adına Respublika stadionunda keçiriləcək.

Milli.Az

Whatsapp ilə göndər