Aktual mövzular: Dollar alış-satışı, Neftin qiyməti, COP29, Hava proqnozu

TAP marşrutu üzrə xəndəklərin qazılması işlərinin 99 faizdən çoxu başa çatıb

TAP marşrutu üzrə xəndəklərin qazılması işlərinin 99 faizdən çoxu başa çatıb

Tarix: 3 Oktyabr 2019 15:30

Bakı. Ləman Zeynalova - Trend:

Azərbaycan qazının Avropaya nəqlini nəzərdə tutan Trans-Adriatik boru kəməri (TAP) marşrutu üzrə xəndəklərin qazılması işlərinin 99 faizdən çoxu başa çatıb.

Trend bu barədə TAP AG konsorsiumuna istinadən məlumat verir.

Məlumatda qeyd olunur ki, TAP layihənin standartlara cavab verməsini təmin etmək məqsədilə podratçılarla iş üçün səhra personalını işə qəbul edir.

Qeyd edək ki, Cənub Qaz Dəhlizinin Avropa hissəsini TAP boru kəməri təşkil edir. 878 km uzunluğa malik bu kəmər Türkiyə-Yunanıstan sərhədində TANAP-a birləşir. Boru kəməri Avropada Yunanıstan, Albaniya və Adriatik dənizinin altından keçərək, İtaliyanın cənubunda bitir. 2020-ci ildə istifadəyə verilməsi planlaşdırılan TAP-ın ilkin ötürücülük qabiliyyəti 10 milyard kubmetr olacaqdır. Gələcəkdə əlavə kompressorlar vasitəsilə bu həcmin 20 milyard kubmetrə çatdırılması gözlənilir.

Trend-in ən mühüm və maraqlı xəbərlərini "Telegram"da izləyin


Etiketlər:  marşrutu üzrə xəndəklərin qazılması işlərinin faizdən çoxu başa çatıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ