Bakının əsas yük terminalı fəaliyyətini dayandırıb

Tarix: 2 May 2019 16:18

Bakı. Sara İsrafilbəyova - Trend:

Bakının mərkəzində yerləşən “Bakı Beynəlxalq Dəniz Ticarət Limanı” QSC-nin əsas yük terminalı fəaliyyətini dayandırıb.

Trend bu barədə limana istinadən məlumat verir.

Məlumatda qeyd olunur ki, terminalın bütün əməliyyatları Ələt qəsəbəsində yerləşən Bakı Beynəlxalq Dəniz Ticarət Limanında keçiriləcək.

Xatırladaq ki, Prezident İlham Əliyevin 18 oktyabr 2007-ci il tarixli sərəncamı ilə əsas yük Terminalı ərazisinin ekoloji baxımdan sağlamlaşdırılması, dənizkənarı milli parkın ərazisinin genişləndirilməsi, şəhərdə nəqliyyat sıxlığının qismən aradan qaldırılmasını təmin etmək üçün mövcud liman kompleksinin Ələtdəki yeni Bakı Limanına köçürülməsinə qərar verilib.

"Bakı Beynəlxalq Dəniz Ticarət Limanı"nın ilkin mərhələdə yükaşırma qabiliyyəti ildə 15 milyon ton, o cümlədən 100 min konteyner təşkil edəcək.

Trend-in ən mühüm və maraqlı xəbərlərini "Telegram"da izləyin