4 nəfəri güllələdi, meyitlərini parçaladı

Tarix: 11 Dekabr 2022 15:10

ABŞ-də 67 yaşlı yerli sakin 4 kişini güllələyərək öldürüb, sonra isə onların cəsədlərini parçalayıb və qalıqlarını çaya atıb.

Sonxeber.net report-a istinadən xəbər verir ki, bu barədə "True Crime Daily" məlumat yayıb.

Hadisə 2022-ci ilin oktyabrında Oklahoma ştatında baş verib. Belə ki, hüquq-mühafizə orqanlarına itkin düşən dörd nəfərin qohumları müraciət ediblər.

Üç gün sonra polis həmin şəxslərin meyitinin hissələrini çayda tapıb. Müəyyən edilib ki, dostlar yerli sakinin zibilxanasından əşyalar oğurlayıblar.

Buna görə qəzəblənən şəxs onları güllələyib. Bundan sonra meyitləri hissələrə parçalayıb və qalıqlarını çaya atıb. Qatil həbs edilib, onun evindən ölən şəxslərin əşyaları aşkar edilib.