Babayanın “1980” rəqəmi hardan çıxdı?

Tarix: 18 Dekabr 2022 18:32

10 noyabr 2020-ci il Üçtərəfli bəyanatının 3-cü maddəsində Qarabağda rusiyalı hərbçilərin sayı dəqiq göstərilib: 1960 nəfər. Ancaq biz bu saya heç zaman inanmadıq, sayın artdığına dair şübhələrimiz var.

Milli.Az Axar.az-a istinadən xəbər verir ki, bu sözləri politoloq Elxan Şahinoğlu qeyd edib.

O bildirib ki, erməni separatçı-terrorçu tör-töküntülərindən biri - "xarici işlər naziri" vəzifəsini "icra edən" David Babayan Ermənistanla Azərbaycanın Xankəndi şəhərini birləşdirən yolda davam edən etiraz aksiyasına şərh verərkən, rusiyalı hərbçilərinin sayının artırılması "vacibliyini" bu şəkildə izah edib: "Rusiya hərbçilərinin sayı 1980 nəfərdir, bu azdır, erməniləri qorumaq üçün sayın artırılmasını tələb edirik":

"1980 rəqəmi hardan peyda olub? Bu, rəsmi rəqəmdən 20 nəfər çoxdur. Erməni separatçı-terrorçusunun qəsdən yaydığı rəqəm dezinformasiya da ola bilər, həqiqəti əks etdirməsi də mümkündür. Rusiya hərbi kontingentinin komandanlığının bu məsələyə aydınlıq gətirməsinə ehtiyac var. Əlbəttə, Andrey Volkovun (Rusiya sülhməramlı kontingentinin komandanı - red.) günlərdir yoxa çıxdığı kimi, saya da aydınlıq gətirməsi ehtimalı azdır. Ancaq bizdən tələb olunan 1980 rəqəminin necə peyda olduğunu müəyyənləşdirməkdir, bu, Üçtərəfli bəyanata ziddir".

Milli.Az