Rəfiqəsi görün başına nə oyun açdı - 12 il kişi bildiyi şəxs...

Tarix: 19 Dekabr 2022 18:36

Çində sosial şəbəkədə özünü kişi kimi təqdim edən qadın həbs edilib. Belə ki, o, rəfiqəsini aldadaraq pulunu alıb.

Sonxeber.net bildirir ki, bu barədə "Oddity Central" məlumat verib.

Şanxay polisinin məlumatına görə, çinli bir qadın 12 il ərzində rəfiqəsini aldadaraq ona mesajlar yazıb, özünü kişi kimi təqdim edib. Fırıldaqçı qurbanı aldadaraq öz hesabına 290 min dollardan artıq pul köçürüb. Onun sözlərinə görə, o, bunu qisas məqsədilə edib.

Rəfiqəsinin anası uzun müddət əvvəl çinli qadına evlənməyəcəyini söyləyib və deyib ki, o, çox gözəl deyil və ailəsinin maddi vəziyyəti yaxşı deyil. Bir neçə il sonra fırıldaqçı qadına arvad axtaran məşhur teleaparıcı ilə tanış olduğunu yalandan deyib. Qadın fırıldağçıya qızını bu kişi ilə tanış etmək üçün yalvarmağa başlayıb və o, razılaşdığını iddia edib. O, sosial şəbəkələrdə bir neçə saxta hesab yaradıb və rəfiqəsinə başqasının adı ilə yazmağa başlayıb. Zərərçəkmiş hər dəfə həmsöhbətlə üzbəüz görüş istədikdə, rəfiqəsi bəhanə taparaq görüşü qeyri-müəyyən müddətə təxirə salıb. Rəfiqəsinin yaradılan onlayn xarakterə aşiq olduğunu bilən çinli qadın müxtəlif bəhanələr uyduraraq ondan maddi yardım istəməyə başlayıb.

Qurban bütün pullarını xərclədikdən sonra nəyinsə səhv olduğundan şübhələnib. Dələduzluğun bitdiyini hiss edən fırıldaqçı rəfiqəsinə hər şeyi etiraf edib və ondan polisə xəbər verməməsi üçün yalvarıb, lakin o, ərizə yazıb. İndi çinli qadını uzun müddətli həbs cəzası gözləyir.

İrfan Vəliyev