2 il yarım oteldə qaldı

Tarix: 20 Dekabr 2022 20:44

Finlandiyadan olan turist Türkiyənin Antalya şəhərindəki "Kaleiçi Tabakhane Sokak" apart otelində vaxtı keçmiş pasport və viza ilə 2,5 il qalaraq polisdən gizlənməyə çalışıb.

Sonxeber.net bildirir ki, bu barədə "Turizmajansi" yazıb.

Nəşrin məlumatına görə, 57 yaşlı Kari Patri Lassi dörd ildir ki, apart oteldə yaşayıb. Eyni zamanda onun pasport və vizasının müddəti çoxdan bitib. İstirahətəni uzatmaq üçün kişi otaqda gizlənmək və çölə çıxmamaq qərarına gəlib.

Bir müddət sonra otel işçiləri turistin otağından əvvəllər gələn səsləri eşitmədiyi üçün həyəcan təbili çalıb. Onlar səyahətçinin öldüyünü güman edib və polisə müraciət ediblər.

Otelə gələn hüquq-mühafizə orqanlarının əməkdaşları istirahət edənin otağının qapısını döyərək sənədləri göstərməyi tələb ediblər. Bir müddət sonra otaqda səs-küy yaranıb. Sonradan məlum olub ki, qorxan Fin vətəndaşı polislə görüşməkdən yayınmaq istəyib və otelin damına çıxıb. O, qoruyucu dəbilqə taxıb və əlində tennis raketkası olub.

Qanunu pozan asayiş keşikçilərinin əlindən qaça bilməyib - o, saxlanılıb, yerə endirilib və ən yaxın polis bölməsinə aparılıb.

Daha sonra mehmanxana müdiri hüquq-mühafizə orqanlarına bildirib ki, əcnəbi digər qonaqlara narahatlıq yaradıb. Oteldə yaşadığı illər ərzində otağı zibilliyə çevrilib, üstəlik, qonaq gecələr yüksək səslə mahnı oxuyub.

İrfan Vəliyev