Hamilə qadın onu döyən sevgilisindən qaçarkən eyvandan yıxıldı

Tarix: 22 Dekabr 2022 20:36

Rusiyada, Orsk şəhərinin hamilə sakini onu döyən sevgilisindən qaçmaq istəyərkən eyvandan yıxılıb.

Sonxeber.net bildirir ki, bu barədə "Baza" Telegram kanalı məlumat yayıb.

Məlumata görə, mayın əvvəlində 8 aylıq hamilə olan 20 yaşlı qadın 22 yaşlı sevgilisi ilə mübahisə edib. Münaqişə zamanı kişi qadının qaçmaması üçün mənzilin qapısını bağlayıb, əl-ayağı ilə qarnına döyüb. Daha sonra zərərçəkmiş eyvandan qonşularına keçmək istəsə də, üçüncü mərtəbədən yıxılıb.

Xəstəxanada həkimlər qadına çiyin və qabırğasının sınığı diaqnozu qoyublar. Bundan başqa, qadının bətnindəki uşağı da aldığı xəsarətlərdən dünyasını dəyişib.

Mayın 8-də polis cinayətkarı saxlayıb. Həmin şəxsə qarşı bir neçə cinayət işi, o cümlədən qanunsuz həbs və ölümlə hədələmə də qaldırılıb. Hazırda o, Orsk şəhərindəki təcridxanada saxlanılaraq məhkəməni gözləyir.

İrfan Vəliyev