“Barselona”nın satmayacağı 6 futbolçu

Tarix: 25 Dekabr 2022 10:04

İspaniyanın "Barselona" klubu növbəti transfer pəncərəsində qətiyyən satmaq fikrində olmadığı futbolçuların siyahısını dəqiqləşdirib.

Sonxeber.net report-a istinadən xəbər verir ki, bu siyahıya müdafiəçilər Ronald Arauxo və Jül Kunde, yarımmüdafiəçilər Pedri və Qavi, həmçinin hücumçular Ansu Fati və Robert Levandovski daxildir.

Bundan başqa, İspaniya klubu yarımmüdafiəçi Frenki De Yonqla yolları ayırmağı planlaşdırmır.

"Barselona"nın iqtisadi vəziyyəti və xüsusən də klubun "Maliyyə Fair Play" şərtlərini yerinə yetirməklə bağlı üzləşdiyi çətinliklər gələn yay futbolçuların gedişinə səbəb ola bilər.

Xatırladaq ki, "Barselona" İspaniya La Liqasinda 14 turdan sonra 37 xal toplayaraq turnir cədvəlində ilk sırada qərarlaşıb.