Aktual mövzular: Dollar alış-satışı, Neftin qiyməti, COP29, Hava proqnozu

Qadınların oxumağına qadağa qoyan Talibanların sözçüsü: “Qızlarım Qətərdə təhsil alır” - VİDEO

Qadınların oxumağına qadağa qoyan Talibanların sözçüsü: “Qızlarım Qətərdə təhsil alır” - VİDEO

Tarix: 27 Dekabr 2022 17:10

Əfqanıstanda Taliban administrasiyası ötən günlərdə qadınların universitetlərə getməsini, təhsil almasını qadağan edib.

Daha sonra isə qalmaqallı qərarla qadınların işləməsini, ictimai təşkilatlarda, qeyri-hökumət təşkilatlarında iştirakını qadağan etdiyini açıqlayıb.

Sonxeber.net oxu.az-a istinadən xəbər verir ki, qadınların hüquqlarını əlindən alan bütün qadağalar bir-birinin ardınca gəldiyi bir zamanda Taliban administrasiyasının sözçüsü Suhail Shaheen gözlənilməz etiraf edib. O, öz qızlarının Qətərdə universitetdə oxuduğunu qəfildən ağzından çıxarıb.

Bununla bağlı sosial mediada mənfi reaksiyaya səbəb olan müsahibədə aparıcı Piers Morqanın son aylarda Taliban sözçüsünə verdiyi suallar yer alıb.

"Qızlarınızın Qətərdə oxuduğu doğrudurmu?", - deyə Morqan canlı yayımda sual verib.

"Bəli, əlbəttə", - deyə Taliban sözçüsü Suhail Shaheen cavab verib.

Beləliklə, yayımlanan bu görüntülər Talibanın ölkədə qızların təhsilinə qadağa qoyması, lakin öz qızlarına yaxşı şəraitdə təhsil verməsi və onların təhsilini dəstəkləməsi faktını aşkara çıxarıb.


Etiketlər:  Qadınların oxumağına qadağa qoyan Talibanların sözçüsü Qızlarım Qətərdə təhsil alır VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ