“Ameli əslində sovet agenti idi” - FOTO

Tarix: 16 Mart 2023 16:32

Fransalı rejissor Jan-Pyer Jöne bütün dünyada böyük marağa səbəb olan "Ameli" filmindən 22 il sonra məşhur fransız personajın əsl kimliyini açıqlayıb.

Sonxeber.net oxu.az-a istinadən xəbər verir ki, o bildirib ki, filmin əsas qəhrəmanlarından olan Ameli əslində Milli Təhlükəsizlik Komitəsinin (MTK) agenti olub.

Jönenin "Le Fabuleux Destin d'Amélie Poulain" ("Ameli Poulainin nağıl kimi taleyi") və ya qısaca "Ameli" filmi bütün Paris küçələrində çəkilib. Filmdə gözəl qəlbli gənc ofisiant Amelinin həyatından bəhs edilir. Ancaq filmin rejissoru təxminən dörddəbir əsr sonra Amelinin əslində düşünüldüyü kimi günahsız personaj olmadığını açıqlayıb.

Jöne yayımladığı 6 dəqiqəlik qısametrajlı filmlə Amelinin əsas hekayəsini ortaya qoyub.

"Ameli Poulainin əsl hekayəsi" adlı qısametrajlı filmdə qeyd edilir ki, Ameli əslində Sovet İttifaqının kəşfiyyat xidməti olan Dövlət Təhlükəsizlik Komitəsi tərəfindən işə götürülüb və casusdur. Həmçinin kiçik yaşlarından ona casusluq təlimləri keçilib.

Qısametrajlı film Jönenin nitqi ilə başlayır və o, nitqində sirri aşkara çıxarmağın zamanının gəldiyini deyir. Fransız aktrisa Audrey Tautou tərəfindən canlandırılan Amelinin casusluq texnikaları və siyanid tərkibli krem-brüle hazırlamaq kimi "hiyləgər" planları filmdə simvolik səhnələrin köməyi ilə deşifrə edilir.