Yolların səs-küyünün potensial ölümcül nəticəsi AÇIQLANDI

Tarix: 15 Aprel 2023 20:00

Yolların yaxınlığında yaşayan insanlar yüksək təzyiqdən daha çox əziyyət çəkirlər.

Sonxeber.net lent.az-a istinadən xəbər verir ki, Oksford Universitetinin tibb professoru Kazem Rahimi səs-küy çirklənməsinin təhlükəli nəticələrini açıqlayıb.

Araşdırmanın aparıcı müəllifi Kazem Rahimi və həmkarları əvvəlcə hipertoniyası olmayan 40-69 yaş arası 240.000 xəstənin səkkiz illik məlumatlarını təhlil ediblər. Nəticələr göstərib ki, səs-küylü ərazilərdə yaşayan insanların yüksək qan təzyiqi ilə bağlı problemləri daha çox olur. Bu səbəbdən həmin insanlarda infarkt və insultlara səbəb olan potensial ölümcül vəziyyət yaranır. Üstəlik, artan səs-küy səviyyəsi ilə xəstəliyin inkişaf riski də artır. Zərərli təsir havanın zəhərli maddələrlə çirklənməsi ilə daha da güclənir.

Professor qeyd edib ki, onlar sağlamlıq üçün təhlükəsiz olan səs-küy çirklənməsi səviyyəsini tapa bilməyiblər. İnsanlar hətta kiçik səssizlik pozğunluqlarında belə təzyiq problemləri ilə qarşılaşırlar.

Ölçmələr 10 desibeldən başlayıb ki, bu da insan nəfəsinin səsinə uyğundur. "Bu o deməkdir ki, səs-küy səviyyəsi nə qədər yüksək olarsa, gələcəkdə hipertoniya riski bir o qədər yüksək olar", - Rahimi deyib.