Aktual mövzular: Dollar alış-satışı, Neftin qiyməti, COP29, Hava proqnozu

Tanınmış futbolçu ağır qəzaya düşdü - VİDEO - FOTO

Tarix: 16 Aprel 2023 20:32

"Latsio"nun hücumçusu Çiro İmmobile Romada ağır avtomobil qəzasına düşüb.

Sonxeber.net xəbər verir ki, hadisə bu gün baş verib.

Hadisə şahidlərinin sözlərinə görə, İtaliya millisinin üzvünün idarə etdiyi "Land Rover" avtomobili kəsişmədə tramvaya çırpılıb. Zərbə güclü olub və maşının ön hissəsi tamamilə dağılıb. Tramvay da relsdən çıxıb.

Hadisə zamanı futbolçu xəsarət almayıb. Onunla birlikdə maşında qızlarından biri də olub, o da xəsarət almayıb.

Tramvay sürücüsü və daha iki sərnişin xəsarət alaraq xəstəxanaya aparılıb.

Polis qəza yerində araşdırma aparır. Hadisə şahidlərinin sözlərinə görə, tramvay işıqforun qırmızı işığında kəsişmədən keçib. /offsideplus