Aktual mövzular: Dollar alış-satışı, Neftin qiyməti, COP29, Hava proqnozu

“Lenovo ThinkBook S” noutbuklarının yeni seriyası hazırlanır

“Lenovo ThinkBook S” noutbuklarının yeni seriyası hazırlanır

Tarix: 3 May 2019 17:40

“Lenovo” şirkəti tezliklə yeni portativ kompüterlər seriyası təqdim edəcək.

 

“ICTnews” Elektron Xəbər Xidməti “3DNews” resursuna istinadən yazır ki, hazırda “Lenovo” noutbukları bir neçə əsas seriyadan ibarət olmaqla biznes istifadəçiləri üçün “ThinkPad” noutbukları, eləcə də adi istifadəçilər üçün “IdeaPad” və “Yoga” qurğularına bölünür.

 

Məlumata görə, yeni seriya portativ kompüterlər “ThinkBook” və ya “ThinkBook S” adlana bilər. Çin istehsalçısı artıq 13,3 və 14 düym diaqonallı modelləri nümayiş etdirib. Korpusu metaldan hazırlanan qurğuların “Full HD” formatlı ekrana malik qapağı 180 dərəcə açılır.

 

Bildirilir ki, noutbuklar “Whiskey Lake” (1,8-4,6 QHs takt tezlikli dördnüvəli Core i7-8565U çipi) nəsilli “Intel” prosessoru, 16 giqabayt operativ yaddaş və 512 giqabayt tutumlu quraşdırılmış yaddaş ilə təchiz edilib. Bundan əlavə, “AMD Radeon 540X” diskret qrafik sürətləndiricisinin quraşdırılması mümkündür.

 

Avropada may ərzində satışa çıxarılması gözlənilən “Lenovo ThinkBook S” noutbuklarının qiyməti 1000 avro təşkil edəcək.

 

Nizam Nuriyev




Etiketlər:  Lenovo ThinkBook noutbuklarının yeni seriyası hazırlanır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ