Ən zərərli şokolad hansıdır?

Tarix: 21 Aprel 2023 07:24

Mütəxəssis xatırladıb ki, ən zərərli şokolad ağdır, çünki tərkibində şokolad yoxdur.

Sonxeber.net xəbər verir ki, dietoloq Yelena Solomatina niyə qara şokoladın sağlam məhsul, ağ şokoladın isə zərərli olduğunu izah edib.

Mütəxəssisin sözlərinə görə, ağ şokoladın tərkibində kakao dənələri olmadığı üçün ağ olur. Amma bunun əvəzinə onun tərkibinə dadı xoşagəlməz olan kakao yağı daxil edilir. Sonuncu vəziyyəti gizlətmək üçün kütləyə çoxlu sayda müxtəlif dadlandırıcılar, şəkər və digər şeylər daxil edilir.

"Siz tək kərə yağı yeməyəcəksiniz, bu dadlı deyil. Ona görə də ağ şokoladın tərkibinə daha çox şəkər, bəzi ləzzət artırıcılar əlavə olunur. Üstəlik, ağ şokoladda daha çox yağ var, bu o deməkdir ki, o, daha yüksək kalorilidir", - dietoloq deyib.

Odur ki, sağlamlığına əhəmiyyət verənlər üçün tünd şokoladı seçmək daha yaxşıdır və kakao nə qədər çox olsa, bir o qədər yaxşıdır. Çünki bu bitki xammalının tərkibində ürək-damar xəstəliklərinin qarşısını alan çoxlu polifenollar və antioksidantlar var.

"Tünd şokolad polifenollar sayəsində sağlam sayılır. Ağ şokoladın tərkibində polifenol yoxdur", - ekspert vurğulayıb. (publika.az)