Dəhşətli qətlin üstü 26 il sonra açıldı

Tarix: 30 Aprel 2023 23:46

Sankt-Peterburqun vitse-qubernatoru Mixail Maneviçin 1997-ci ildə törədilmiş qətlinin üstü FTX və Rusiya Daxili İşlər Nazirliyi tərəfindən açılıb. Cinayəti mütəşəkkil cinayətkar dəstənin üzvləri sifarişlə törədib.

Sonxeber.net axar.az-a istinadən bildirir ki, bu barədə "Sputnik Belarus" məlumat yayıb.

"Rusiyanın Federal Təhlükəsizlik Xidməti Rusiya Daxili İşlər Nazirliyi ilə birlikdə Sankt-Peterburq şəhərinin vitse-qubernatoru Mixail Maneviçin 1997-ci ildə törədilmiş qətlinin üstünü açıb. İstintaq müəyyən edib ki, cinayətdə şimal paytaxtının mütəşəkkil cinayətkar qrupunun iki üzvünün əli olub. Onlardan birinin vəzifəsi Maneviçin yaşayış yerini izləmək və vitse-qubernatorun hərəkəti haqqında məlumatı onun tərəfdaşına ötürməkdən ibarət olub. İkincisi Maneviçin olduğu maşına atəş açıb. Onun qətlini isə "Tambov" cinayətkar qrupunun rəhbəri Vladimir Barsukov (Kumarinin) sifariş verib"-, məlumatda deyilir.