10-15 min manata satılan həyət evləri necə tikilir? - VİDEO

Tarix: 4 May 2023 12:32

Elan saytlarında Bakı ətrafı qəsəbə və kəndlərdə 10-15 min manata təmirli evlər satılmaqdadır.

Milli.Az Xəzər Xəbər-ə istinadən xəbər verir ki, 1 sot və ya  daha az torpaq sahəsində tikilən evlər əsasən 1 otaq və kiçik mətbəxdən ibarət olurlar. Bəzən isə həmin evlər mətbəx və hamam olmadan inşa edilir.

"Bəs pəncərəsi olmayan, cəmi 18-20 kvadramterlik evlər hansı şəraitdə inşa olunur?"

Tikinti məsələləri üzrə ekspert Muxtar Ərturan "Xəbər Ertəsi"nə bildirir ki, son dövrlər əmlak alqı-satqısı ilə məşğul olanlar bu işi dırnaqarası biznesə çeviriblər. Həmin şəxslər əvvəlcə torpaq sahəsi alır, daha sonra sahəsi kiçik mənzillər tikib, ucuz qiymətə satışa çıxarırlar.

Ekspert deyir ki, ucuz həyət evlərinə daha çox Xırdalan, Binəqədi, Yasamal və digər ərazilərdə rast gəlmək mümkündür. Onun sözlərinə görə, həmin mənzillərin bünövrəsi də dayanıqsız olur.

Eyni zamanda evlərin təmiri də zəif olduğundan bir müddət sonra bərpasına yenidən ehtiyac yaranır. Bir sözlə, belə ucuz evlərin sonradan böyük problemləri ortaya çıxır.

O, əlavə edib ki, fərdi yaşayış evi alarkən mənzilin tikinti normaları əsasında inşa edilib-edilməməsinə xüsusi diqqət yetirilməlidir.

Daha ətraflı videomaterialı təqdim edirik:

Milli.Az