Türkiyə Qarabağda olduğu kimi qardaşlarının yanındadır - Ərdoğan

Tarix: 5 May 2023 12:34

Türkiyə bölgədə sülhün və istiqrarın tərəfindədir və 30 illik işğaldan sonra azad edilən Qarabağda olduğu kimi Liviyada, Suriyada da qardaşlarının yanındadır.

Sonxeber.net-ın TurkicWorld-a istinadən məlumatına görə, bu sözləri Türkiyə prezidenti Rəcəb Tayyib Ərdoğan rəsmi sosial media hesabında bildirib.

Prezident onu da qeyd edib ki, bu gün Türkiyə siyasi, diplomatik və hərbi həmlələri ilə terror təşkilatlarını məhv edir.

"Xaricdəki nümayəndəliklərimizin sayını 163-dən 260-a çatdırmaqla biz dünyanın ən böyük diplomatik şəbəkəyə malik beş ölkəsindən biri olduq. Türk Əməkdaşlıq və Koordinasiya Agentliyi (TİKA), Yunus Əmrə İnstitutu, Maarif Vəqfi ilə xaricdə yaşayan soydaşlarımıza və 7 milyon insana dəstək oluruq. Balkanlarda Kipr türklərinin, türk dünyasının hüquqlarını müdafiə edirik. Daxili siyasətimizi kiminsə yönləndirməsinə imkan verməyəcəyik. Türkiyə əsrində bütün diplomatik nailiyyətlərimizi zirvəyə yüksəldəcəyik", - deyə o qeyd edib.