Aktual mövzular: Dollar alış-satışı, Məzənnə, Neftin qiyməti

Ukraynada ölən azərbaycanlıların sayı

Ukraynada ölən azərbaycanlıların sayı

Tarix: 14 May 2023 11:12

Bakıda Ukraynada həlak olan azərbaycanlıların xatirəsini əbədiləşdirmək üçün Xatirə Lövhəsi açılıb.

Milli.Az lent.az-a istinadən xəbər verir ki, bu barədə Ukraynanın Azərbaycandakı səfiri Vladislav Kanevski özünün "Facebook" hesabında yazıb.

Açılış mərasimində həlak olanların ailələri, həmçinin Ukrayna səfirliyinin, diasporunun, digər qurumlarının və Azərbaycandakı ukraynalıların icmalarının nümayəndələri iştirak ediblər.

"Rusiyanın Ukraynaya qarşı genişmiqyaslı silahlı təcavüzü başlayandan Ukrayna ərazisində yaşayan etnik azərbaycanlılar dövlətimizin suverenliyi və ərazi bütövlüyünün müdafiəsi üçün qətiyyətlə ayağa qalxdılar.

Bu gün bizə torpaqlarımızın ruslardan azad edilməsi uğrunda həlak olan 26 Azərbaycan igidinin adı məlumdur", deyə səfir paylaşımda yazıb.

Onun sözlərinə görə, Ukraynanın azadlığı uğrunda həlak olan həmvətənlərimizin xatirəsini əbədiləşdirmək üçün onların həyatı və döyüş yolundan bəhs edəcək sənədli filmin çəkilişi planlaşdırılır, materialların toplanması üzrə hazırlıqlara başlanılıb.

Milli.Az


Etiketlər:  Ukraynada ölən azərbaycanlıların sayı


RƏYLƏR



Populyar Xəbərlər

XƏBƏR LENTİ