Aktual mövzular: Dollar alış-satışı, Məzənnə, Neftin qiyməti

Putin Ukraynanı dağıtmaq istəyir - Şolts

Putin Ukraynanı dağıtmaq istəyir - Şolts

Tarix: 3 Iyun 2023 23:26

Almaniya kansleri Olaf Şolts ötən gecə Berlində hakim Almaniya Sosial Demokrat Partiyasının avropapərəst mitinqində çıxış edib.

Milli.Az axar.az-a istinadən bildirir ki, bu barədə "Bild" nəşri məlumat yayıb.

Məlumata görə, tədbirə gələn və Ukraynaya silah verilməsinin əleyhinə şüarlar səsləndirən 100-ə yaxın rusiyapərəst fəal Şoltsu fitə basmağa çalışıblar:

"Onlar Almaniya kanslerini "müharibəpərəst", "yalançı", "quldur" adlandırıblar və "silahsız dünya" tələb ediblər".

Şolts isə onlara cavabında bildirib ki, müharibəni qızışdıran Putindir:

"O, 200 min əsgərlə Ukraynanı işğal edib. Putin Ukraynanı dağıtmaq və ələ keçirmək istəyir".

Kansler Rusiyanın aqressiv müharibəsinə görə Ukraynaya dəstək verməkdən başqa alternativ görmədiyini vurğulayıb:

"Bəli, zəruridir, əgər bir ölkəyə hücum edilirsə, o zaman ölkə özünü müdafiə edə bilər".

Milli.Az


Etiketlər:  Putin Ukraynanı dağıtmaq istəyir Şolts


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ