Əksər vətəndaşlar etibarnamənin ləğv edilməsini istəyir - VİDEO

Tarix: 2 Avqust 2023 18:34

Avtomobili idarə etmək üçün verilən etibarnamə ləğv edilə bilər.

Sonxeber.net xezerxeber.az-a istinadən bildirir ki, Konstitusiya Məhkəməsi Plenumunun növbəti iclasında Gəncə Şəhər Məhkəməsinin müraciəti əsasında məsələyə baxılıb və qərar qəbul edilib. Qərara əsasən, avtomobilin sahibi olmayan şəxsin avtomobili idarə etmək üçün etibarnamənin zəruriliyi tələbinin aradan qaldırılması Milli Məclisə tövsiyə olunub.

Maşını idarə etmək üçün etibarnaməyə ehtiyac olub-olmaması ilə bağlı sürücülərin fikrini öyrəndik.

"Onlar Etibarnamə tələbini aradan qaldırılmasını dəstəklədiklərini bildirdilər."

Hüquqşünas Şamil Paşayev da hesab edir ki, Azərbaycanda avtomobillərin idarə edilməsi üçün etibarnamənin verilməsinə ehtiyac yoxdur. Onun fikrincə, etibarnamə anlayışı ümumiyyətlə ləğv olunmalıdır.

Qeyd edək ki, "Yol hərəkəti haqqında"  qanunun tələblərinə əsasən ər və arvad eyni maşını etibarnaməsiz idarə edə bilər, amma gərək onların da mülkiyyət hüququna dair şəhadətnamələri yanlarında olsun. Digər hallarda isə maşının etibarnaməsiz idarə edilməsi inzibati məsuliyyət yaradır.

Xezerxeber.az mövzu ilə bağlı daha ətraflı videomaterialı təqdim edir: