Aktual mövzular: Dollar alış-satışı, Neftin qiyməti, COP29, Hava proqnozu

Hərəkətdə olan avtomobilin üzərində oyun çıxartdılar - FOTO

Tarix: 10 Avqust 2023 17:22

Buryatiyada (RF) yol kamerası bir qrup gəncin təhlükəli yol hərəkətini qeydə alıb.

Sonxeber.net oxu.az-a istinadən bildirir ki, iyulun 30-da səhər tezdən Baykal bölgəsində sürücüsü Ulan-Ude-Turuntayevo-Kurumkan-Novıy Uoyan şossesi ilə 129 kilometr/saat sürətlə hərəkətdə olan "Toyota Mark 2" kameranın obyektivinə düşüb.

Yol müfəttişlərinin diqqətini gənclərin avtomobilin kapotunda təhlükəli səfərə çıxması cəlb edib. Buryatiya Daxili İşlər Nazirliyindən verilən məlumata görə, avtomobilin iki sərnişini nəqliyyat vasitəsinin gövdəsindən yapışıb, sürücü isə regional magistral yol ilə yüksək sürətlə hərəkət edib.

Avtomobilin sahibi - 21 yaşlı Ulan-Ude sakini ilə bağlı sürət həddini pozduğuna və sərnişinlərin daşınması qaydalarına laqeyd yanaşdığına görə inzibati materiallar tərtib edilib.