Aktual mövzular: Dollar alış-satışı, Məzənnə, Neftin qiyməti

Çində məmurlara “iPhone”dan istifadə qadağan olundu

Çində məmurlara “iPhone”dan istifadə qadağan olundu

Tarix: 6 Sentyabr 2023 14:44

Çin hakimiyyəti dövlət qulluqçularına iş prosesində "iPhone" və ya digər xarici istehsal avadanlıqlarından istifadə etməyi qadağan edib․

Milli.Az qafqazinfo-ya istinadən xəbər verir ki, bu barədə məlumatı "Wall Street Journal" qəzeti yayıb.

"Çin hakimiyyəti mərkəzi hökumət məmurlarına iş üçün "Apple"ın "iPhone" və digər xarici marka cihazlarını istifadə etməmələrini əmr edib və ofisə gətirilməsini qadağan edib", - nəşr mənbələrinə istinadən yazıb.

Qadağanın daha hansı xarici texnologiya markalarına şamil olunduğu açıqlanmır.

Belə bir tədbir Pekinin xarici texnologiyalardan asılılığı azaltmaq və kibertəhlükəsizliyi gücləndirmək üçün növbəti addımıdır.

Nəşrin məlumatına görə, Çin Dövlət Şurasının İnformasiya bürosu və "Apple" bu məsələ ilə bağlı hələ şərh verməyiblər.

Nəşr qeyd edir ki, hazırkı qadağa Çin şirkətlərinə qarşı bir sıra məhdudlaşdırıcı tədbirlər görən ABŞ-yə cavab tədbiridir.

Milli.Az


Etiketlər:  Çində məmurlara iPhonedan istifadə qadağan olundu


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ