Aktual mövzular: Dollar alış-satışı, Neftin qiyməti, COP29, Hava proqnozu

Türkiyə kəşfiyyatı PKK-nın Suriyadakı başçılarından birini zərərsizləşdirdi - FOTO

Tarix: 25 Dekabr 2023 11:22

Suriya Ərəb Respublikasının şimalında PKK rəhbərliyinin nümayəndəsi zərərsizləşdirilib. Türkiyə kəşfiyyatının bölməsi onu aşkar edib aradan qaldırmağa nail olub.

Sonxeber.net oxu.az-a istinadən bildirir ki, bu barədə Türkiyə mətbuatında məlumat yayılıb.

Qeyd olunur ki, MİT sahə agentləri xüsusi əməliyyat keçirərək "Bahoz Afrin" ləqəbi ilə fəaliyyət göstərən PKK üzvünü məhv ediblər. O, Kobani bölgəsinə rəhbərlik edib.

"Türkiyə təhlükəsizlik güclərindəki mənbələrə əsasən MİT Bahoz Afrinin Suriya-Türkiyə sərhədində təhlükəsizlik qüvvələrinə qarşı yeni əməliyyat hazırladığı barədə məlumat alıb", - deyə məlumatda bildirilir.

Xatırladaq ki, Türkiyə Silahlı Qüvvələri aviasiya qruplarının köməyi ilə kürd döyüş qruplarının istifadə etdiyi Türkiyə və Suriyanın şimal bölgələrindəki istehkamların məqsədli hücum manevri həyata keçirib.