Aktual mövzular: Dollar alış-satışı, Məzənnə, Neftin qiyməti

Tramp Baydeni ABŞ-nin ən pis prezidenti adlandırdı

Tarix: 13 Yanvar 2024 13:56

ABŞ-nin keçmiş prezidenti Donald Tramp Yəməndə husilərə zərbə endirdiyinə görə Co Bayden administrasiyasını tənqid edib.

Milli.Az oxu.az-a istinadən bildirir ki, bu barədə Respublikaçılar Partiyasının tərəfdarı yanvarın 12-də "X" hesabında bəyanat yayıb.

"İcazə verin, mən hazırkı vəziyyət barədə açıqlama verim. Biz yenidən bütün Yaxın Şərqə bombalar yağdırırıq, beş gündür itkin düşmüş müdafiə nazirimiz isə öz noutbukundan müharibə aparır", - keçmiş prezident yazıb.

Bundan əlavə, siyasətçi qeyd edib ki, ABŞ-nin müdafiə naziri Lloyd Ostin Əfqanıstanda təslim olan hərbi birləşmənin tərkibində olub. Eks-prezident vurğulayıb ki, baş verənlərdən sonra heç kim işdən çıxarılmayıb və məsuliyyətə cəlb olunmayıb.

O, həmçinin qeyd edib ki, Ağ Ev hazırda ölkənin cənubunda sərhəd təhlükəsizliyi məsələlərini həll etməkdənsə, Ukrayna, Qəzza zolağı və Yəməndəki hərbi münaqişələrə daha çox resurslar ayırır.

"Co Bayden ABŞ tarixinin ən pis prezidentidir!" - deyə Tramp yekunlaşdırıb.

Milli.Az

Whatsapp ilə göndər