Aktual mövzular: Dollar alış-satışı, Neftin qiyməti, COP29, Hava proqnozu

Azərbaycanla ABŞ arasında nəqliyyat və İKT sahəsində əməkdaşlıq müzakirə edilib

Azərbaycanla ABŞ arasında nəqliyyat və İKT sahəsində əməkdaşlıq müzakirə edilib

Tarix: 13 Noyabr 2019 08:51

Bakı. Trend:

Nəqliyyat, Rabitə və Yüksək Texnologiyalar naziri Ramin Quluzadə ilə Bakıda keçiriləcək Dünya Dini Liderlərinin II Sammitində iştirak etmək üçün ölkəmizə səfərə gələn ABŞ-ın 5 qərb ştatının seçkili orqanlarını təmsil edən nüfuzlu üzvlərdən ibarət nümayəndə heyəti arasında görüş keçirilib.

Nəqliyyat, Rabitə və Yüksək Texnologiyalar Nazirliyindən Trend-ə verilən məlumata görə, nazirlikdə baş tutan görüşdə ABŞ-ın ölkəmizdəki səfirliyi ilə nazirlik arasında telekommunikasiya, informasiya texnologiyaları, startaplar, innovasiyalar, yüksək texnologiyalar sahələrində əməkdaşlığın cari vəziyyəti və inkişaf perspektivlərinə dair fikir mübadiləsi aparılıb.

Nümayəndə heyəti görüş çərçivəsində nəqliyyat və İKT sahəsində, eyni zamanda ikitərəfli münasibətlərin inkişafı və müxtəlif sahələr üzrə potensial əməkdaşlıq haqqında da danışıblar.

Qonaqlara ölkəmizdə bu sahədə həyata keçirilən layihələr və görülən işlər barədə geniş məlumat verilib, senatorları maraqlandıran suallar cavablandırılıb.

Trend-in ən mühüm və maraqlı xəbərlərini "Telegram"da izləyin


Etiketlər:  Azərbaycanla ABŞ arasında nəqliyyat İKT sahəsində əməkdaşlıq müzakirə edilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ