Aktual mövzular: Dollar alış-satışı, Məzənnə, Neftin qiyməti

Çində yazıçı ölüm hökmünə məhkum edilib

Çində yazıçı ölüm hökmünə məhkum edilib

Tarix: 5 Fevral 2024 21:20

Çin məhkəməsi avstraliyalı yazıçı Yang Hengjunu iki illik möhlətlə ölüm cəzasına məhkum edib.

Milli.Az APA-ya istinadən xəbər verir ki, bu barədə BBC məlumat yayıb.

Yazıçı-bloger beş il əvvəl Çində həbs edilmiş, üç il əvvəl casusluqda təqsirli bilinmişdi.

Avstraliya xarici işlər naziri hökmdən şoka düşdüyünü deyib. Çinin Avstraliyadakı səfiri dəqiqləşdirmə üçün Avstraliya Xarici İşlər Nazirliyinə çağırılıb.

Hengjun Çində anadan olub və Avstraliya vətəndaşlığına malikdir.

2019-cu ildə həbs olunmazdan əvvəl o, Nyu-Yorkda işləyib. O, Quançjou hava limanında saxlanılıb və casusluqda ittiham olunub. Çin rəsmiləri işin təfərrüatlarını açıqlamayıb, ittihamın təfərrüatları isə məlum deyil.

Yazıçı özü ittihamları rədd edib. Ailəsi həbs olunduqdan sonra onun səhhətinin pisləşdiyini deyir və Çin hakimiyyətini işgəncələrdə ittiham edir.

Milli.Az


Etiketlər:  Çində yazıçı ölüm hökmünə məhkum edilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ