“Qarabağ” “Səbail”dən geri düşdü

Tarix: 13 Mart 2024 13:50

Azərbaycan Premyer Liqasında çıxış edən klubların hücumdakı effektliliyi bəlli olub.

Sonxeber.net İdman.Biz-ə istinadən bildirir ki, bunu CİES açıqlayıb.

Çempionatın ən effektli hücum edən komandası "Səbail"dir. Bakı klubunun əmsalı 0,18-ə bərabərdir.

Şahin Diniyevin yetirmələri hər qarşılaşmada 1,08 qol epizodu yaratsa da, daha çox 1,27 dəfə rəqib qapısına yol tapıb.

İkinci olan "Qarabağ" sonuncu iki göstəricidə ölkənin ən yaxşısı olsa da, effektlilik baxımından geri qalır.

Sonuncu pillədə "Qəbələ"dir. Çempionatın autsayderi hər matçda orta hesabla 0,29 aşkar qol epizodunu qaçırır.

1. "Səbail" - 0,18 (1,27 və 1,09)
2. "Qarabağ" - 0,13 (2,23 və 2,10)
3. "Kəpəz" - 0,07 (0,96 və 0,89)
4. "Sumqayıt" - 0,06 (0,85 və 0,79)
5. "Turan Tovuz" - 0,05 (1,50 və 1,45)
6. "Sabah" - 0,03 (1,16 və 1,19)
7. "Neftçi" - -0,03 (1,00 və 1,03)
8. "Araz-Naxçıvan" - -0,11 (0,81 və 0,92)
9. "Zirə" - -0,20 (0,62 və 0,82)
10. "Qəbələ" - -0,29 (0,69 və 0,98)

Qeyd edək ki, CİES-in siyahısında liqadan 900 klub yer alıb. Azərbaycan komandaları bu üç göstərici üzrə ən yaxşı və ən pis "onluq"da deyil.