Aktual mövzular: Dollar alış-satışı, Məzənnə, Neftin qiyməti

Arda Güler İspaniya mətbuatının manşetlərində: “Real"ın tarixinə düşdü” - FOTO

Tarix: 16 Mart 2024 10:26

"Real Madrid" klubunda çıxış edən türkiyəli məşhur futbolçu Arda Güler İspaniyada gündəmdə qalmağa davam edir.

Milli.Az oxu.az-a istinadən xəbər verir ki, ispan nəhənginin heyətində ilk qolunu vuran 19 yaşlı gənc futbolçu İspaniya mətbuatının manşetlərinə düşüb.

"Marca" qəzeti "Arda Güler "Real Madrid" tarixində qol vuran 416-cı futbolçu oldu" başlıqlı yazı dərc edib və üz qabığında "Real Madrid"in qol vuran futbolçularının adlarına yer verib.

Arda Güler "Real Madrid"in "Celta Vigo" ilə matçında atdığı qolla klub tarixində qol vuran 416-cı futbolçu olub.

Xatırladaq ki, uzun müddət zədəli olan Arda Güler "Real Madrid"də bu səbəblə xeyli vaxt forma geyinə bilməyib. Zədəsi sağaldıqdan sonra 6 matçda forma geyinib və son matçda 1 qol vurub.

Milli.Az