Qara çay ağızdakı bu virusu tamamilə məhv edir

Tarix: 11 Aprel 2024 09:24

Qara çay tüpürcəkdə SARS-CoV-2-ni təsirsiz hala sala bilər ki, bu da virusun aşağı tənəffüs sisteminə daxil olmasına qismən mane olur.

Sonxeber.net unikal-a istinadən xəbər verir ki, bu barədə Corciya Universitetinin alimləri araşdırma aparıblar.

ABŞ alimlərinin tədqiqatının məqsədi beş növ çayın (yaşıl, qara, moruq zəncəri, evkalipt və nanə) antibakterial və antiviral xüsusiyyətlərini öyrənmək olub. Tədqiqatçılar hər fincan üçün hər növdən bir paket çaydan istifadə edərək süd və şəkər əlavə edilmədən içkilər hazırlayıblar. Daha sonra çayın on dəqiqə dəmlənməsinə icazə verilib və sınaq borularındakı koronavirusa yoluxmuş insanların tüpürcək nümunələrinə bir-bir əlavə edilib. 

Təcrübənin nəticələrinə görə, bütün beş növ çay tüpürcək nümunələrində qaldıqdan sonra 10 saniyə ərzində virusun aktivliyini ən azı 96% azaldır. Qara çay ən aydın antiviral xüsusiyyətlərə malik olub  - o, SARS-CoV-2-ni 99,9% təsirsiz hala gətirə bilib. 

Alimlər qeyd ediblər ki, virus əvvəlcə ağızda çoxalır və ağciyərlərə çatmazdan əvvəl orofarenksdən keçir. Çay onun ağızda inaktivasiyası aşağı tənəffüs sisteminə nüfuz etmənin qarşısını ala bilər.