Aktual mövzular: Dollar alış-satışı, Neftin qiyməti, COP29, Hava proqnozu

“Qualcomm” şirkəti “5G” smartfonlarının tədarük həcminin ildə 170%-dək artmasını proqnozlaşdırır

“Qualcomm” şirkəti “5G” smartfonlarının tədarük həcminin ildə 170%-dək artmasını proqnozlaşdırır

Tarix: 21 Noyabr 2019 16:32

2021-ci ildə istehsalçılar “5G” şəbəkələrini dəstəkləyən təxminən 450 milyon smartfon tədarük edəcəklər, 2022-ci ildə belə qurğuların tədarükü 750 milyona yaxınlaşacaq. Dünyanın ən böyük mobil çip istehsalçısı “Qualcomm” şirkəti belə proqnoz verib.

 

“ICTnews” Elektron Xəbər Xidməti “dailycomm.ru” saytına istinadən yazır ki, şirkət bundan əvvəl 2020-ci ildə “5G” smartfon tədarükünün həcmini 175-225 milyon aralığında proqnozlaşdırmışdı.

 

“Qualcomm” şirkətinin nümayəndələri hesab edirlər ki, “5G” texnologiyasının tətbiqi prosesi “4G” ilə müqayisədə daha sürətli olacaq. Bu, Çində texnologiyanın sürətləndirilmiş kommersiya istismarına verilməsi və müxtəlif qiymət kateqoriyasına uyğun çipsetlərin əlçatanlığı ilə izah edilir.

 

Cənubi Koreyada “KT Corporation” telekommunikasiya şirkəti 2019-cu ilin aprelində dünyada ilk “5G” şəbəkəsini kommersiya istismarına verib. “5G” şəbəkələri tədricən Avropada da istifadəyə verilir: operatorlar artıq San-Marino, Monako və İsveçrə, həmçinin Böyük Britaniyada “5G” şəbəkələrini işə salıblar.

 

Emil Hüseynov




Etiketlər:  Qualcomm şirkəti smartfonlarının tədarük həcminin ildə dək artmasını proqnozlaşdırır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ