Aktual mövzular: Dollar alış-satışı, Məzənnə, Neftin qiyməti

Ukrayna daha 75 nəfəri Rusiya əsirliyindən azad etdi

Ukrayna daha 75 nəfəri Rusiya əsirliyindən azad etdi

Tarix: 1 Iyun 2024 00:42

Mayın 31-də Ukrayna Rusiya əsirliyindən daha 75 nəfəri azad edib, onların 71-i hərbi qulluqçudur.

Milli.Az axar.az-a istinadən xəbər verir ki, bu barədə Ukrayna Prezidenti Vladimir Zelenski məlumat yayıb.

"Bütün bu müddət ərzində biz öz insanlarımızı Rusiya əsirliyindən geri qaytara bilmək üçün demək olar ki, bir gün belə fasilə vermədən işləməyə davam etmişik. Bu gün bu gərgin işimizin mühüm nəticəsini görürük: daha 75 nəfərimiz Ukraynaya geri qaytarılıb", - deyə Zelenski bildirib.

Ukrayna rəhbərinin bildirdiyinə görə, əsirlikdən azad edilənlər Ukrayna Silahlı Qüvvələrinin və Milli Qvardiyanın döyüşçüləri, sərhədçilər və dörd mülki şəxsdir.

"Hər kəs yadımızdadır. Hər bir insanımızı tapa bilmək üçün maksimum səy göstəririk", - deyən Vladimir Zelenski əsirlərin mübadiləsi işlərini həyata keçirən heyətə təşəkkürünü bildirib.

Milli.Az


Etiketlər:  Ukrayna daha 75 nəfəri Rusiya əsirliyindən azad etdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ