Hidayət Heydərovun MEMARI

Tarix: 1 Iyun 2024 16:36

"Dünya çempionatından əvvəl öz çəkimdə lider idim".

Milli.Az xəbər verir ki, bunu İdman.Biz-ə  Azərbaycan millisinin cüdoçusu Hidayət Heydərov (73 kq) deyib.

Dünya çempionu reytinqdə bütün çəki dərəcələri üzrə mütləq lider olmasına münasibət bildirib. Heydərov bildirib ki, mundialı qazandıqdan sonra birinci olacağına inanıb: "Təbii ki, bu durum məni çox sevindirir. Çox gözəl hisslər yaşayıram. Bu uğurumun memarı Elnur Məmmədlidir. Ən böyük məqsədim Paris-2024 Yay Olimpiya Oyunlarında da qalib olub, ili uğurla yekunlaşdırmaqdır".

Dünya çempionu Olimpiadaya hazırlıq planından da danışıb: "Hazırda Qubada təlim-məşq toplanışındayıq. Elnur müəllimlə birlikdə ciddi hazırlaşırıq. Qarşıdakı planlarda xaricdə və Bakıda təlim-məşq toplanışları olacaq. Tam məsuliyyətlə bütün hazırlıqlarda formamı daha da yüksəldəcəm".

Qeyd edək ki, Heydərov Abu-Dabidəki qələbəsindən sonra uzun müddət turnir cədvəlinə başçılıq edən belçikalı Matias Kasseni (81 kq) keçib.

Milli.Az