Aktual mövzular: Dollar alış-satışı, Neftin qiyməti, COP29, Hava proqnozu

“Apple” yeni binalar kompleksinin inşasına başlayır

“Apple” yeni binalar kompleksinin inşasına başlayır

Tarix: 25 Noyabr 2019 11:32

"Apple" şirkəti Texas ştatının Ostin şəhərində yeni binalar kompleksi inşa edəcək. O, yeni "Apple MacBook Pro" noutbuklarının yığıldığı zavodun yaxınlığında tikiləcək. Şirkət rəhbəri Tim Kuk zavodu ABŞ Prezidenti Donald Trampa nümayiş etdirməyi planlaşdırır.
 
"ICTnews" Elektron Xəbər Xidməti "Computerworld" resursuna istinadən yazır ki, sahəsi 280 min kvadratmetr təşkil edən kompleks ilkin mərhələdə 5 min əməkdaş üçün nəzərdə tutulacaq. Gələcəkdə isə bu sayın 15 minədək artırılacağı gözlənilir.
 
Hazırda Ostində təxminən 7 min "Apple" əməkdaşı çalışır. Şirkət tərəfindən tikintiyə 1 milyard dollar qoyulacaq.
 
Qeyd edək ki, ABŞ-ın ən aktiv inkişaf edən şəhərlərindən olan Ostində 1 milyona yaxın insan yaşayır. Burada, həmçinin Texas Universiteti və bir sıra texnoloji şirkətlərin bölmələri yerləşir. Ostin yaxınlığında Raund-Rok şəhərində isə "Dell Technologies" şirkətinin mənzil-qərargahı yerləşir.
 
Nizam Nuriyev



Etiketlər:  Apple yeni binalar kompleksinin inşasına başlayır


RƏYLƏR



Populyar Xəbərlər

XƏBƏR LENTİ