Aktual mövzular: Dollar alış-satışı, Neftin qiyməti, COP29, Hava proqnozu

Ermənistan və Dağlıq Qarabağa səfər edən azərbaycanlı jurnalistlərin kimliyi niyə gizli saxlanılıb? - İcma sədrindən AÇIQLAMA

Ermənistan və Dağlıq Qarabağa səfər edən azərbaycanlı jurnalistlərin kimliyi niyə gizli saxlanılıb? - İcma sədrindən AÇIQLAMA

Tarix: 26 Noyabr 2019 14:06

Bakı. Samir Əli - Trend:

Dağlıq Qarabağ bölgəsinin azərbaycanlı icmasının sədri Tural Gəncəliyev azərbaycanlı jurnalistlərin Yerevana və işğal olunmuş Şuşa və Xankəndi şəhərlərinə səfərlərinin tarixi və həmin jurnalistlərin kimliyi barədə ictimaiyyətə əvvəlcədən məlumat verilməməsinin səbəblərini açıqlayıb.

Trend-in məlumatına görə, icma sədri bildirib ki, bu, müvafiq razılaşma əsasında həyata keçirildiyinə görə məhz əvvəlcədən açıqlanmayıb:

“Biz daim erməni icmasına konstruktiv dialoqlar aparmaq üçün müraciətlər etmişik. Hər zaman bu kimi səfərlərə və dialoqlara hazır olmuşuq, dəstəkləmişik. Həmişə mesajlarımızı qarşı tərəfə göndərmişik. Mətbuatdan izlədiyimə görə, jurnalistlərimiz səfər zamanı hər hansı problemlə qarşılaşmayıblar. Çünki görüşlər ATƏT-in fəaliyyətdə olan sədrinin şəxsi nümayəndəsinin təhlükəsizlik zəmanəti çərçivəsində həyata keçirilib. Jurnalistlərimiz ATƏT-in müvafiq nəqliyyat vasitələri ilə hərəkət ediblər”.

Trend-in ən mühüm və maraqlı xəbərlərini "Telegram"da izləyin


Etiketlər:  Ermənistan Dağlıq Qarabağa səfər edən azərbaycanlı jurnalistlərin kimliyi niyə gizli saxlanılıb İcma sədrindən AÇIQLAMA


RƏYLƏR