Aktual mövzular: Dollar alış-satışı, Məzənnə, Neftin qiyməti

Arda məhkəməyə verildi - Ev kirayəsinə görə

Tarix: 26 Noyabr 2019 19:08

"Başakşəhər”in yarımmüdafiəçisi Arda Turan daha bir problemlə üzləşib.

Qol.az “Mundo Deportivo”ya istinadən xəbər verir ki, müqavilə ilə “Barselona”ya məxsus olan 32 yaşlı futbolçu məhkəməyə verilib.

Buna səbəb onun Barselonada kirayə götürdüyü mənzilin pulunu ödəməməsi olub.

Mənzil sahibi futbolçunun bir neçə aydır kirayə pulunu vermədiyini və ona 400 min avro borclu olduğunu iddia edib. Bunun 100 mini icarə haqqı, qalanı isə evə dəyən ziyana görə tələb edilir. Bir neçə dəfə yarımmüdafiəçi ilə əlaqə saxlayan ev sahibi pulunu ala bilmədiyi üçün məhkəmə müraciət edib.