Aktual mövzular: Dollar alış-satışı, Neftin qiyməti, COP29, Hava proqnozu

Şok iddia: Durov Fransa kəşfiyyatına işləyir

Şok iddia: Durov Fransa kəşfiyyatına işləyir

Tarix: 1 Sentyabr 2024 23:08

Teleqramın təsisçisi və baş direktoru Pavel Durov Parisdə dindirilmə zamanı bildirib ki, həbs olunmazdan əvvəl də Fransa Daxili İşlər Nazirliyinin Daxili Təhlükəsizlik Baş İdarəsinin nümayəndələri ilə əlaqə saxlayıb.

Milli.Az axar.az-a istinadən xəbər verir ki, bu barədə Fransanın "Liberation" nəşri istintaqa yaxın mənbəyə istinadən məlumat yayıb.

Media qeyd edir ki, Durov terrorizmlə mübarizə çərçivəsində Fransa əks-kəşfiyyatı ilə rəsmi əlaqə kanalı yaradıb. Ehtimal olunur ki, bu, bir növ "qaynar xətt" və bir neçə terror hücumunun qarşısını almağa imkan verən xüsusi e-poçt ünvanıdır.

Həbs edildikdən sonra Durov Fransa istintaqı ilə əməkdaşlığa hazır olduğunu bəyan edib və mobil telefonunu ona giriş kodu ilə təmin edib. Eyni zamanda o, "hərbi sirr təşkil edən" məlumatı açıqlamaqdan imtina edib.

Xatırladaq ki, P.Durov avqustun 24-də Parisdə hava limanında saxlanılıb. Daha sonra Pavelin qardaşı Nikolayın da Fransa hakimiyyət orqanları tərəfindən axtarışa verilməsi barədə məlumat yayılıb. Avqustun 28-də P.Durov məhkəmə nəzarəti altında sərbəst buraxılıb.

Milli.Az


Etiketlər:  Şok iddia Durov Fransa kəşfiyyatına işləyir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ