Bu cihazı barmağınıza taxıb xəstəliyinizi biləcəksiniz

Tarix: 14 Sentyabr 2024 22:42

Alimlər tərlə aktivləşdirilən yeni barmaq sarğısı ilə insanın səhhətinin monitorinqini asanlaşdıracaq texnologiya hazırlayıblar.

Milli.Az lent.az-a istinadən bildirir ki, bu elektron sarğı sadəcə sarğı kimi barmağa taxıla bilər və tər analizindən əldə edilən məlumatlarla qan şəkərinin, vitaminlərin, dərmanların və digər maddələrin səviyyəsini ölçə bilir.

Tədqiqatçılar cihazın analiz zamanı istifadə etdiyi enerjini eyni tərdən əldə etdiyini bildiriblər.

Cihaz tərdəki kimyəvi maddələri elektrik enerjisinə çevirən bioyanacaq hüceyrələrindən istifadə edərək sensorlar vasitəsilə qlükoza, C vitamini və Parkinson xəstəliyinə qarşı dərman levodopa kimi biomarkerləri izləyə bilir.

Toplanmış məlumatlar Bluetooth vasitəsilə smartfona və ya kompüterə ötürülür.

Milli.Az