Aktual mövzular: Dollar alış-satışı, Neftin qiyməti, COP29, Hava proqnozu

COVID-19 Aydakı temperatura da təsir edibmiş: Alimlərdən heyrətamiz açıqlama

Tarix: 4 Oktyabr 2024 21:24

COVID-19 pandemiyası təkcə Yerdəki insanların həyatını kökündən dəyişmədi, həm də planetimizin təbii peyki - Aya təsir edib.

Milli.Az oxu.az-a istinadən xəbər verir ki, gözlənilməz kəşfin müəllifləri Əhmədabaddakı Fiziki Tədqiqatlar Laboratoriyasından olan alimlərdir.

Tədqiqatçılar bu heyrətamiz hadisənin səbəbinin karantin dövründə insan fəaliyyətinin kəskin azalması nəticəsində Yerin şüalandırdığı radiasiyada azalma ola biləcəyini güman edirlər. Onlar həmin dövrdə dünyada əksər sənaye müəssisələrinin işi dayandırıldığını, nəqliyyatdan istifadə son dərəcə məhdudlaşdığını, kütləvi tədbirlərin isə ləğv olunduğunu xatırladaraq, bunun planetimizin şüalanma səviyyəsinə təsir etdiyini vurğulayıblar.

"Ay, ehtimal ki, COVID-19 səbəbindən bu dövrdə gecə vaxtı Ay səthinin temperaturunun anomal azalması kimi vizuallaşdırılan karantin effektini yaşadı", - deyə tədqiqatın müəllifləri qeyd edirlər.

Alimlər iki səma cisminin qarşılıqlı əlaqə mexanizmlərini daha yaxşı başa düşmək üçün bu fenomeni öyrənməyə davam edəcəklərini qeyd ediblər.

Milli.Az

Whatsapp ilə göndər