Aktual mövzular: Dollar alış-satışı, Neftin qiyməti, COP29, Hava proqnozu

Türkiyə MN: ''Fətullah Gülən vətənsiz öldü'' - FOTO

Tarix: 21 Oktyabr 2024 20:38

"Manqurtlaşdırdığı beyinlərlə əsl Türk millətinin istiqlal və istiqbalına qəsd edən, dövlətimizə və qəhrəman ordumuza böyük zərər verən FETÖ başçısı ölüb. Bu xainin "vətənsiz" ölməsi və əbədi olaraq belə xatırlanacaq olması, bu təşkilatdan zərər çəkən vətəndaşlarımızın ağrılarını azalda bilməsə də, vətəninə xəyanət edənlərin qaçılmaz sonunu göstərməsi baxımından ibrətamizdir".

Sonxeber.net oxu.az-a istinadən xəbər verir ki, bu barədə Türkiyə Milli Müdafiə Nazirliyinin FETÖ başçısı Fətullah Gülənin ölümü ilə bağlı verdiyi bəyanatda bildirilib.

Qurumdan, həmçinin hələ də bu təşkilatın əsiri olaraq vətəninə xəyanət edənlərin dərs almaları lazım olduğu vurğulanıb.

"Başda FETÖ olmaqla, bütün dəyərləri istismar edərək xalqımıza və ölkəmizə xəyanət edən bütün terror təşkilatları ilə mübarizəmiz kökləri tamamilə qazılana qədər əzm və qətiyyətlə davam edəcək", - deyə bəyanatda vurğulanıb.