Toral Bayramovun UEFA-nın rəsmi saytında səsverməyə çıxardığı qolu - VİDEO

Tarix: 8 Noyabr 2024 08:30

"Qarabağ" klubunun futbolçusu Toral Bayramovun Norveçin "Budo Qlimt" kollektivinin qapısından keçirdiyi qol turun "ən gözəl qolu" adına namizəddir.

Sonxeber.net baku.ws-ə xəbər verir ki, UEFA-nın rəsmi saytı Toralın qolunu Avropa Liqasının son turunda vurulan digər üç qolla birlikdə səsverməyə çıxarıb.

Belə ki, azarkeşlərə ümumilikdə dörd seçim təqdim edilir. Toral Bayramovun qolu, "Qalatasaray"ın futbolçusu Yunus Akgünün "Tottenhem"in qapısından keçirdiyi qol, "Ayntraxt"ın üzvü Omar Marmouşun "Slaviya"nın qapısına vurduğu qol və Bolqarıstanın "Ludoqorets" komandasının üzvü Erik Markusun İspaniyanın "Atletik" klubunun qapısından keçirdiyi qol.

Azarkeşlər bu qollardan birini seçərək "turun ən gözəl qolu"nu müəyyənləşdirə bilərlər.

-------

00:33

Xəbər verdiyimiz kimi, Azərbaycan təmsilçisi "Qarabağ" Avropa Liqasının Liqa mərhələsinin IV turunda Norveç təmsilçisi "Bodo Qlimt" üzərində 2:1 hesablı qələbə qazanıb.

Sonxeber.net qafqazinfo-ya istinadən xəbər verir ki, görüşün 21-ci dəqiqəsində Ağdam klubunun yarımmüdafiəçisi Toral Bayramov fantastik qola imza atıb.

Bu qolun sözügedən yarışda həftənin qolu olacağı ehtimal edilir.

Həmin qolun videosunu təqim edirik: